قصيده جديده للمبدع علاء ال ياسين اتمنه تعجبكم

اذا مو بيك اسولف انه ماموجود
لان بس بيك اسولف كل وكت انه
تدري انته بمكانك وين بيه يصير
بس شويه وخر تطلع هنانه
مو بس انه احبك انه وانه هواي
وبعد من عندي عشره نحبك ويانه
ادري انته بشر بس هلخضار منين
ابو البستان شافك حرك بستانه
الورد من شاف طولك بس عليه مريت
ما يقبل بعد يكعد بسندانه
ادري شلون رايك يعني كلنه نموت
كول نموت كلنه منين دفانه
الحال وداعتك سكرت ناس هواي
بس انته الوحيد السكر الحاله
بتهوفن امس لو سامعك ما صار
يم صوتك امس جاكعدت الحانه
يلوموني من اشوفك اسكت من الخوف
عمي الشاف طولك ظيع لسانه
ربك بلخلق سواك بس سواك
وانه وذوله مدري شلون سوانه
لاتنطينه عين يجوز نطمع بيك
بس انطينه جارك نشتم ردانه
بساوكف دقايق رحمه للعباس
بس تمر عليك تطيب مرضانه
ماحبن هلك منهم اخاف عليك
نحب يوسف نعم بس نكره اخوانه
انه لدوم احبك ومستحيل انساك
وذا انساك صدك هذا مو انه قصيده جديده للمبدع علاء ال ياسين اتمنه تعجبكم Icon_bounce

جميييييييييييييييييل

موضوع جميييييييييييل

تحياتي

غريبـة تصير ضـدي .. !!??

غريبة تصير ضدي وانت ودي
وما أنا يوم صغرت الأمل بيك
ولا مرة كَلتلك هذا حدي
غريبــة ..

منك انت اللي أسميك
ميزان الوفا واضرب مثل بيك
اشكثر تغلط واقولن ماهو غلطان
اشكثر تزعل بلا أسباب يا فلان
اشكثر تجرح وانا المجروح أداويك
غريبــة ..

غريبة ياللي تعرف كل صفاتي
ومزاجي وسري وهمومي ونكاتي
يا غالي… اشكثر عندك غلاتي

وحياتي شبيها من غيرك حياتي
غريبــة ..

غريبة مني أنا كم وفي وياك
نسيت ذنوبك وما أقدر أنساك
صرت دنياي كلها وصرت دنياك
أون ون الرحى لو يمر ذكراك
ويا سبحان الذي بهالحال خلاك
غريبــة .. غريبــة ..

غريبة ولا تكَولي ليش واشلون
يا سلطان السهارة من يسهرون
ويا ربان الحيارة لو يتيهون
ويالعيونك لمع حبات زيتون
يموت المثلك وما يعرف يخون
غريبــة ..

غريبة تصير ضدي ..
اي ليش تصير ضدي .. وانت ودي
انا وما يوم صغرت الامل بيك
ولا لحظة كَلتلك هذا حدي
غريبــة .

كريم العراقي

أتوسل

أتوسل ... لا والله
أتمسكن .. لا والله
ألبس وتعطر واسهر
وافرح وامرح وتمختر .. واللي ينساني أنساه
أتألم ... لا والله
أتندم .. لا والله
اكتم آهاتي بصدري
واتحدى الدنيا بصبري
وما ينسى عباده الله .. لا والله
اتكبر ... لا والله
اتحير ... لا والله
أسهر على راحة خلي
وما انسى أصالة أهلي
ومن ينسى اللي رباه .... لا والله
أتأسف ... لا والله
أتخوف ... لا والله
أختار اللي يشبهني
وعلى كل ما بيّ يحبني
وعلى عيني وراسي هواه
أتوسل .. لا والله
أتمسكن .. لا والله
ألبس وتعطر واسهر
وافرح وامرح وتمختر .. واللي ينساني أنساه

كلمات / كريم العراقي
غناء / عمر عبد اللات

تحياتي
الاحساس