دنياتك صبح مابيهه لون الليل
عايش بلنهار وليلك عيونك
ما عندك حلك عندك ورد ينباس
ليلو مسطرات سطر سنونك
تفوز انته الملك من تدخل استفتاء
واحله اهل الارض لازم يخلونك
وماصدك هلك ينطونك للانسان
بس اليوسف المفروض ينطونك
########################
لتلومني من احترك هم الكلب متروس
مو تدري جدمك ملح ليش اعله جرحي تدوس
وكل هذا كلبي ورق وطاح اعله جمرك بوس
بس انصح بعشرتك وخلي الحزن محبوس
ولو يوم مرك عطش ونشفت ريك الكوس
من عيني امدلك نهر وجفوفي الكوس
لتكول يطلب صلح وحتاج من عندي اخذ الدروس
الزلزال هدم جبل ماطلب عون الفوس
موكل خساره انبنت وتعوضت بفلوس
تدري الخساره كلب ما تنلم اعله الروس
ومن تطلب اطلب عدل لاتطلب الميؤوس
تكدر تغني سنه وانته بلهاتك موس
ومعقوله عندك امل بس انته بلفردوس
تريد احشمك انه والوكت داسك دوس
وعكب الشمس لوطفت يظوي الفلك فانوس