خلصتهن ورقه ورقه وماقريت
ورددت اخر رساله البيهه
من كتلك تعال وما اجيت
ليش ماجيت وشفتني اكسر الخاطر
ادور علصبح بيبانه مقفوله لكيت
ليش ماجيت وشفتني بس قميص مطرك
ويشرب جكاير كاعد بعتبه البيت
وما صدك تجي وتشوفك العين
وهم يمر عليه يوم والاكيك
لو صح لبالي واجيت يازين
اضيع لساني مني وبيش احاجيك
اصيرن عين كلي بطرك جفنين
واحير بيا جفن منهن اخليك
علي سوي فضل يلجيتك هيل
تعال وداعتك بعيوني اخليك
اتانيك ولهفتي تشابك العين
ودري ماتجي بس انه اتانيك
تمنيتك عمر وينه التمني
ولكيتك بلتعب بس خاب ظني
وبعد ماعودتني بشوفك ارتاح
تريد تروح ياريحه التفاح
يسويهه البخت وتروح مني
انه من اشتاك ما احمل الفركه
اصيرن نار حته الماي احركه
تذوب الروح واطيحن وركه وركه
وارد التم ولا مكطوع جني
يسويهه البخت وتروح مني
